Wild forest violet in the spring forest. Blooming close-up. Nature background. Sweet Violet, English Violet.
د پیغمبر ګل کاسني (اودي) رنګ او پاڼې په منځ کې زیړ یا سپین خال لري. په لاطیني کې دا د ” وایولا” کورنۍ ګل دی چې شا و خوا ۶۰۰ مختلفو رنګونو کې پیدا کېږي. خلک يې د “پېنزي” په نوم هم پېژني.
د “وایوله” بوټې د زړی نه وده کوي او په یوه څانګه کې یو ګل شنه شي. ځکه خو یوه مصرع ده چې
ګل د پیغمبرپه میږتون ولاړ تنها یمه
پیغمبري ګل په یخو ملکونو کې وي خو اوس يې خلک په ګرمو ملکونو کې هم په ژمي کې کري. د ځینو قسمونو بوټي هر کال پخپله شنه شي او که ښه ساتنه يې وشي نو په سخت ژمي کې هم پاتې کېږي.
د پیغمبري ګل، بوټې يې له زمکې ډېر لوړ نه وي او ځینې يې واړه او نازک وي. اکثر د ښایست لپاره په ګملو او ټوکریو کې ۱۰ نه تر ۲۰ دانې کري. د کاسني نه علاوه پیغمبري ګل په زیړ، سپین او اناري رنګونو کې هم وي. په دوی کې د نسواري رنګ لیکې او خال وي چې کله کله د پیښو د مخ په شان ښکاري. خو د پښتنو په سیمه کې دودیزه پیغمبري ګل په منځ کې ټکی یو شاعر ته دا الهام ورکوي.
یغمبري ګل به ترینه جوړ شي
که په لنډۍ زنه دې کیښودل خالونه